الخيانه فى الحب

[i][b][center]الخيانه فى الحب


الخيــــــــــــــــــــــــــــــــــــــــــــــ ـــــــــــــــــــــــانـــــــــــــــــــــــــ ــــــــــــــــــــــــــــه

أول ما بنسمع الكلمه دى بنحس بغضب بعدم ارتياح

بندور فى الذكريات وبنفتكر جروحنا اللى بسبب الخيانه

يمكن الصوره بتمثل نوع من انواع الخيانه شىء صعب أوى لما تبقى فى حضن حبيبتك
وجمب صاحبك وهما الاتنين بيخونك هى الصوره معبره عن الفكره

قصدى فى حضنك يعنى معاك ومن ورا ضهرك بيطعنوك فى قلبك وبيخونوك

وانتى كمان شىء صعب أوى لما تكونى بتحبى واحد أوىى ومقتنعه أنه هو كمان بيحبك وبيخلصلك فى حبك

وليكى صديقه أنتيم فكره برضه صديقه مخلصه وفى الأخر تكتشفى الحقيقه وتعرفى أنهم بيطعنوكى فى قلبك


ممكن أقول السبب فى النوع ده من الخيانه الثقه الزائده عن الحد فى أصحابكم

بمعنى أنك تدخلى صاحبتك فى حياتك ما بينك ومابين حبيبك

تقعدى تحكيلها وتقوليلها ده قالى كذا تحكيله عن مشاكلكوا عن الثغرات اللى مابينكم

تخليها تكلمه وتتحاكى معاه

وأنت كمان نفس الحكايه صحبك وحبيبك حشروا فى كل حاجه ما بينكم

وبرضه بتقعد تحكيله عنها وتعلق قلبه بيها ويحبها
زى أغنيه هشام عباس عمال يحكيلى عنها

عمال يحكيلى عنها عمال يوصفلى فيها وكلامه هز قلبى خلانى حلمت بيها

وسئلنى صاحبى مالى لقيتنى بقول فى بالى مش عايز اشوف حبيبتك أوعى توريهالى

مش عارف أقوله أيه مسمعش كلامى ليه ويوم ماقابلنى بيها لقيت شوقها فى عينيها

أتاريه قربها منى وحكلها برضو عنى ليه بس شاغلها بيه وخلى حالها حالى
بس هشام عباس أنهى الأغنيه بشكل جميل قال مش ممكن تبقى ليا انا صاحبى برضه غالى

ده طلع عنده أصل بس فى ناس تانيه عندها انها ترضى قلبها على حساب تعاسه قلب تانيفى مقوله قريتها وعاجبتنى هاتعجبكم وانا عارف ان ماى ايجى طبعا اعضائه عندهم ذكاء عالى اوى وكنت لازم أدخلها لأنها جايبه من الأخر

القلب كالزهره والوفاء كقطرات الندى والخيانه كالحذاء البغيض الذى يدوس على الزهره فيسحقها

قلبك زى الورده اللى بتحتاج حاجات كتير أوى علشان تكبر وتنمو زى الماء والهواء والشمس

وقلبك محتاج حاجات علشان الحب اللى فيه يكبر صدق ووفاء وأخلاص

والوفاء قطرات الندى اللى بتنزل على الورده وشكلها بيبقى جميل

وفى نفس الوقت بتغذى الورده وبتجعل لها رونق

بس ساعه لما يدوس الحذاء على الورده هل الورده لما بيداس عليها وبتتهرس تحت رجلك بتعيش ؟؟؟؟؟؟؟

طبعا لأ بتموت ومش بترجع تانى زى اول ما بتتخان الحب بيموت و أستحاله يرجع تانى
الخيانه أسوء شىء ممكن حدوثه فى علاقه حب شئ فظيع أزاى تقول لواحده أنك بتحبها ومش قادر تستغنى عنها
وفى نفس الوقت بتقول لواحده تانيه نفس الكلام يمكن البنت مش بتقدر تخون زى الولد

بس الخيانه من الولد اكتر بكتير


اللى بيخون بقه ده عايز أقوله ان مش هى اللى خسرانه بالعكس انت اكتر واحد بيصاب بالضرر من الخيانه


الخيانه مش بتيجى لوحدها كده فى صفات تانيه سيئه بتخليها تكتمل زى الكذب والغيره والأنانيه

وفقدان أحترام الذات بس انا مؤمن أن زى ما فى قلوب خاينه فى كل وفيه بس نادره اوى

فى مقوله برضه قريتها بتقولك أيه
الوفاء عمله نادره والقلوب هى المصارف وقليله المصارف التى تتعامل مع هذه العمله النادره