قصة عدلات ونفيسة لوك لوك لوك لوك

[size=

24

]olive][font=Arial Black]][/font]قصة عدلات ونفيسة لوك لوك لوك لوك

نزل الحاج شلاطة من بيته و وصى مراته على حلة الملوخية بالأرانب شو الذي منه و قفل الباب وراه و خرج ... وقفت مراته نفيسة ورا الباب لغاية ما اتاكدت انه نزل و راحت جرى تخبط على باب جارتها عدلات

طاااااااااااخ طاااااااااااااااخ طاااااااااااااااااخ

عدلات : ازيك يا نفيسة خير يا ختى؟
نفيسة : كل خير يا حبيبتي ..بس اصل الحاج شلاطة نزل يشترى شوية حاجات بعد ما رجع من الشغل فقلت اجى أدردش معاكى كده حبيتين
عدلات : كتك خيبة وقعتي قلبي ... عمالة تخبطي كأنك بتخبطي على ناس ميتين
نفيسة : يا شيخة بعد الشر توفى من بوقك
عدلات : حصل خير يا حبيبتي .. ادخلى ادخلى بيتك و مطرحك
نفيسة : لا يا ختى تفى الأول
عدلات : يا نفيسة بطلي الهبل ده و ادخلي يلا
نفيسة : انتى حره يا ختى ..أنا عملت اللي عليا
عدلات : هههههههههههه ماشى يا ستى اقعدي اقعدي
نفيسة : طب أنا معطلاكى عن حاجة
عدلات : لا أبدا أنا مخلصة الطبيخ و كل حاجة و كنت قاعدة لوحدى كويس يعنى انك جيتى اهو تسليني
نفيسة : طب كويس اهو ندردش سوا سوا ..بقولك صحيح معرفتيش اللي حصل لحسنات اللي فوقنا ؟
عدلات : لا مالها
نفيسة : مش أطلقت من جوزها
عدلات : يا حبة عيني
نفسية : بلا حبة عينك بلا حبة فشتك دي طلعت اروبة و كوشت على الشقة ال إيه عشان تربى العيال و تلاقيها كوشت على كل حاجة من الراجل .. قطيعة
عدلات : حرام عليكى دي كانت طيبة أوى و ملهاش أهل يعنى لو سابت الشقة هتروح فين و كمان جوزها كان راجل مفترى

نفيسة : طب اسكتي اسكتي و انتى مش عارفة حاجة .. طب عرفتى اللى حصل للبت سنية بنت عمك برقوق
عدلات : مش دي اللى لسة داخلة خدمة اجتماعية قريب
نفيسة : ايوة يا ختى قطيعة تقطع التعليم اللي يخلى الواحدة تعمل كده
عدلات : مالها بس حصل إيه ؟
نفيسة : ال إيه يا ختى امبارح كنت ماشية مع الواد زغلول ابني في الشارع اللي جنبنا لاقيتهالك واقفة تضحك و تتمايص و تتدلع مع واد
عدلات : ما يمكن حد من قرايبها و لا حاجة
نفيسة : قريبها إيه بس يا شيخة هما أصلا كل بنات اليومين دول عمالين يحبوا و خلاص كتهم خيبة عليهم ... قطيعة تقطعهم جايبين لنا العار
عدلات : حرام عليكى يا نفيسة يمكن كانت واحدة تانية
نفيسة : لا يا حبيبتى أنا شيفاها كويس بعيني الاتنين دول اللى يكالهم الدووود هيا بلحهما و شحمها يا ختى صدقينى ... عشان أمها تتكتم و هيا عمالة كل شوية فرحانة بيها عشان متعلمة اهو تشوف اخر العلام اللى فلقانا بيه

عدلات : بس الست طيبة و عمرها ما اتمنظرت علينا هيا كانت فرحانة ببنتها زى اى أم

نفيسة : بلا وكسة .. طب شفتي الواد محروس
عدلات : مالو هو كمان
نفيسة : اسكتي يا ختى مشفتهوش بقى عامل زى الفرخة المدبوحة يا حبة عينى ما هو متجوز واحدة قرشانة ... لا بتدلع فيه و لا بتطبخ و لا بتعمل و كانها أميرة زمانها و هيا و لا تسوى نكلة و عملة زى البورص
عدلات : ازاى بقى دول بيحبوا بعض أوى و البت بتموت فيه و شيلاه على كفوف الراحة
نفيسة : لا يا ختى لو شفتية كنتى عرفتى
عدلات : ما يمكن عيان
نفيسة : هيكون عيان بسبب إيه يا ختى أكيد منها صدقينى أنا ... يعنى شوفينى أنا كدة ست كاملة و مدلعة جوزى و بعمل له كل اللى نفسة فيه و مش حرماه من حاجة و هو كمان عشان كدة علطول وشة رادد كدة زى القلقاسة ... و مش بيستغنى عنى ابدااااااا و شايلنى فوق كفوف الراحة
عدلات : ربنا يخليكم لبعض ... بس انتى متأكدة من اللى بتقولية ده
نفيسة : ايوة يا بت يا دى الخيبة و انتى طيبة و لا فاهمة اى حاجة في اى حاجة مش عارفة هفضل اعلم فيكى لغاية امتى و أنورك و ادورك ..قطيعة
عدلات : هههههههههههه ماشى يا عم الفقيق

شوية و يسمعوا صوت ..تك تك

نفيسة : يا لهوى يا لهوى إيه ده .. ليكون حرامي بيفتح الشقة عندي و لا إيه .؟
عدلات : ههههههههههههههههه لا يا نفيسة ده صوت الساعة الجديدة اللي جوزي جبهالى امبارح
نفيسة : وقعتي قلبي اله يوقع مساميرها و كل حتة فيها
عدلات : حرام عليكى ملحقتش اتهنى بيها
نفيسة : لا لا أنا مش قصدي اقر أنا بس عشان وقع قلبي من الخضة .. طب و الصوت ده يعنى معناه إيه بالصلاه على النبى
عدلات : التكتكة دي بتحصل كل ساعة
نفيسة : ياااااااااااه يعنى أحنا بقالنا ساعة بنتكلم
عدلات : ايوة يا ست عدلات
نفيسة : طب يعنى دلوقتى الساعة يجيلها كام
عدلات : الساعة دلوقتى 3
نفيسة : يا مصيبتي يا مصيبتى يا وقعتي المقندلة عليا و على سنيني
عدلات : بعد الشر بس حصل إيه تانى
نفيسة : جوزي قالى ساعة و راجع يعنى زمانه راجع دلوقتى و ملحقتش اخلص الأكل
أنا قلت أدردش معاكى حبتين بس انتى رغاية و كل شوية لوك لوك لوك لوك
عدلات : أنا برضو يا عدلات
نفيسة : ايوة يا ختى اومال أنا ... عماله تلوكي من ساعتها و مش تنبهيني
عدلات : أنبهك بإيه بس يا عدلات انتى اللي عمالة تجيبي فى دي و دي و تتكلمي و تفتحي مواضيع من نفسك
نفيسة : شوفي الولية ..بقى كده؟ انا غلطانة أن جيت لك أصلا ..صحيح خيراً تعمل شراً تلقى
ما انتى أصلك مرتاحة و مخلصة طبيخك و مش وراكى عيال حتى
عدلات : هقول لك إيه ..ربنا يسامحك
نفيسة : ربنا يسامحنا كلنا يا ختى ..قطيعة أنا إيه جابنى ليكى أصلا ..بالسلامة يا ختى
عدلات : كتر خيرك ..مع ألف سلامة

راحت جرى فوووووووورييييييييرة على بيتها و قفلت الباب و عقلها رايح جاى هتعمل إيه هتعمل إيه و الملوخية لسة ناشفة و الأرانب يا دوب لسة بتستوى و كانت موطية عليها النار اهو ال ايه عشان أما ترجع تكون استوت على نار هادية ... فلاقت شوية بامية فاضلين من امبارح
قالت اهو أحسن من مفيش ..يا دوب لسة مخلصة تفكير و لاقيت طاااااااااااااااخ طااااااااااااااخ
تررن تررن

نفيسة لنفسها : يا دي الخيبة يا خيبتى يا خيبتى يا وقعتى السودة اعمل إيه

طااااااااااااااااااااخ طاااااااااااااااااااااااا خ تررن تررن

شلاطة : إيه يا ولية لسة فاكرة تفتحي
نفيسة : معلش يا خويا أصلى كنت فى الحمام ..طب ليه مفتحتش بالمفتاح
شلاطة : انتى كمان عامية يا ولية مش شيفانى شايل و محمل حاجات كتير و تعبان يلا خدى عينى الحاجات دى و جهزى الاكل يلا
نفيسة : يا دى الوكسة ال اكل ال ربنا يستر .. بصوت واطى

شلاطة : بتقولى ايه يا ولية
نفيسة : يوووووووووة يا دى الراجل انا قلت لك حاجة إيه دى ...بصوت واطى
شلاطة : إيه يا ولية انتى اتهبلتى فى عقلك و لا إيه ما تروحي يلا و انتى واقفة زى اللوح كده
نفيسة : حاضر راحة اهو اهو

راحت نفيسة و كل شوية تكلم نفسها و حضرت الاكل و قلبها عمال يدق يدق يدق
زى دقات الساعة تك تك تك تك تك تك ..الخ

شلاطة : إيه دة؟
نفيسة : الأكل يا حبيبي
شلاطة : حبك برص و سبعة خرس مكتومين زيك يا ولية .. مش أنا طلبت منك ملوخية و أرانب و نزلت جبتهم مخصوص امبارح
نفيسة : ايوة اصل
شلاطة : اصل إيه وفصل إيه يا ولية يا نكدية انتى
نفيسة : ليه بس مش أنت بتحب البامية
شلاطة : و أكلناها امبارح و عارفة أنى مش بحب الأكل البايت و كمان لا جنبها لحمة و لا فراخ؟
نفيسة : معلش بقى اصل
شلاطة : هترجع تقولي اصل و فصل يا ولية انتى عقلك حصل فيه حاجة .. مش عارف ازاى انا مستحمل عيشتك ده حتى العيال قرفوا منك و من عمايلك السودة روحى و انتى ...
نفيسة : و النبى ما انت قايلها ابوس ايدك و رجلك استر عليا اله يستر عليك
شلاطة : استر عليكى ايه هو انا متجوزك عرفى يا مجنونة
نفيسة : لا بس متكملهاش ده أنا مليش غيرك
شلاطة : بس أنا قرفت منك و من عيشك اللي كلها نكد و قرف و استحملت و استحملت امك الولية القرشانة اللى كل شوية تقرفنى بكلامها اللى زى السم و بسكت عشان خاطر العيال و اقول بكرة تعقلى و هيا ترحمنى و مفيش فايدة فيكم روحي يا شيخة و انتى مقرفة خليكى جنب امك تفرح بيكى
نفيسة : ايوة لو مقرفة مش مشكلة انا مقرفة بس متكملهاش
شلاطة : نفيسة
نفيسة : نعم يا روح نفيسة
شلاطة : دلوقتى روحك يا شيخة عمرك ما سمعتينى كلمة حلوة .. روحى و انتى طالق ...
نفيسة : يا لهووووووووووووووى يا شماتة المنفسنين فيكى يا نفييييييييييسةمنقول

[ندعوك للتسجيل في المنتدى أو التعريف بنفسك لمعاينة هذه الصورة]