DEvil_7ODA
عضو مشارك
عدد الرسائل : 51
العمر : 43
المزاج : رايق
الاوسمة : 
نقاط : 42
تاريخ التسجيل : 18/01/2009
 | موضوع: لوخسرتك ماخسرت العمر  الخميس أبريل 16, 2009 5:01 pm | |
|
لوخسرتك ماخسرت العمر
لو خسرتك ما خسرت العمر .. والدنيا متاع
وأدري أني لو خسرتك ما خسرت .. إلا قليل
بس فكر زيــن تعرف من خسر فينا وضاع
وتعرف إنك لو تلف الأرض .. وتدور بديـــل
والله إن تبـــطي ولو لفيت كل البقــاع
ولو تسوي وش تسوي ماأنت لاقي لي مثيل!
وين تلقى مثل شخصي شخص .. وطباعي طباع
ووين تلقي مثل قلبي قلـــب .. أو مثلي خليــــــل
البشر واجد .. نعــم .. لكن فرق الانطباع .!
يجعلك يمي تمـــــيل .. ويم غيري ما تمـــــيل
يارفيقي .. انتبه .. واحسن إلي الاستماع ..
للمواقف دور في كشف المزيف .. والأصـــيل ..
وأنت ماقصرت فيني موقفك جـــداً شجاع..
طعنتك في الظهـــر كانت إثبـــــات ودليـــــــل....
بيض الله وجهك اللي ساتره تحت القناع
ورايتك بيضا معاي وياعسى عمرك طويــل...
يعني أعطيك الثقة وتردها ب"لوي"الذراع!!
ياخـــي ماشاء الله عليك أبدعــــت في رد الجميل..
مدري كيف أشكرك!مدري كيف أرد الصاع صاع!!
كنت أحسب أنك عزيــز النفس تطلع لي ذليـــل
كم وأنا عييت أصدق فيك قدر المستطاع
من غبائي كنت أسكت وأعذرك .. وأثر الحصيل!!
جـــرح قلبٍ ميزته في كل يوم الاتســــاع..
ودمع عــــــين" ينهمر من ضيقــتي في كل لــيل...
والله والله إني كنت أحبك حب .. وأتبعك إتباع..
كنت لجل أرضي غرورك بـس ...أسوي المستحيل
كنت أعمــى فيك .. لا.. لا .. ميت للنخــاع..
كنت مدري كيـــف لكن كنت صادق معك حيــــل...
كنت أمارس في غرامي لك سياسة الانصــياع
وكنت لاغـــي معك فكرة أعتـــــزل او أستقــــــيل....
اندفعت بكل مافيني .. وسوء الاندفــــــاع...
يجبـــر الإنسان أحـــــــياناً.. يفكر بالرحيـــــل...
صدمتي فيك إنت .. خلتني أفكر باقتناع..
إن قتل النفس راحـــــة لو أنا كنت القتيــــــل...
انفجر راسي من التفكير.. وازداد الصداع
كيف أنا بفتك من جروحك ودوشة "قال قــــيل"
صرت سيرة في حلوق الناس.. وتالي هالضياع
" انتـــــــــــحر معقــــول ! ياالله وش هذا الغليــل..
رحـــــمتك يارب لامن ضاقت امنحني وساع..
أنت حسبي في الزمان الجاير ونعـــــم الوكيــــل...
لا غدى "مستقبلي والماضي" أطراف النزاع..
وصفحة الماضي ســـــواد وشئ من هذا القبيـــل...
فلازم انســـى لجل أنهي بداخلي هذا الصراع..
ولازم أتقــــــوى .. عشان أحقق النصــــر الجليــل...
وطالما إن الهجوم أفضل وسيلة للدفــاع...
مستحيــــــل أرضخ لو أن الحمل ياربعـــي ثقيــــل...
والبخيل اللي نساني واشتري فيني... وباااع...
يذلــــــــف .. الله لا يـــــرده .. والله بجرحي كفيــــل...
وإن سأل عني وجاكم بعد فترة انقطاع!!!
علموه أني نسيتــــه بـــــس أنا ماني بخيــــــل....
طالما كان السبب في قوتي .. قــبل الوداع...
بلـــــغوه أقل شئ بخالــــــص الشكـــر الجزيــــــل
مع حبي ..
عدل سابقا من قبل ســ الشرق ـحـر في الجمعة أبريل 17, 2009 1:04 am عدل 1 مرات (السبب : تم تعديل اللون للتمكن من القراءة والغاء رابط الصورة لعدم ظهورها) | |
|
سحر الشرق
مراقب عام
عدد الرسائل : 300
العمر : 57
المزاج : الحمد لله
الاوسمة : 
دعاء : 
الجنس : 
احترام قونين المنتدى : 
نقاط : 1586
تاريخ التسجيل : 12/03/2009
| | موضوع: رد: لوخسرتك ماخسرت العمر الجمعة أبريل 17, 2009 1:08 am | |
| السلام عليكم ورحمة الله وبركاتة
يسلمو الايادى
فى انتظار المزيد من هذة الروائع
بيت اعجبنى من القصيدة
رحـــــمتك يارب لامن ضاقت امنحني وساع..
أنت حسبي في الزمان الجاير ونعـــــم الوكيــــل...
| |
|
